凯乐假期
分享到:

桂林阳朔五日游2.20-2.25 谢谢你的不离不弃

时间: 2013-03-01 / 分类: 游记攻略 / 浏览次数: 607 / 0个评论 发表评论

好耐无写过日志啦,记录下自己去旅游噶日子
人物:小肥人和我两个
地点:桂林、龙脊梯田、阳朔

DAY1:
第一日同小肥人两个坐飞机去桂林, 果部飞机晚点,我唔记得贴晕车贴,飞机虽然飞左半个钟头,但系我呕左两次,多谢小肥人不离不弃啊,一直照顾我啊。去到桂林机场坐机场大巴去到民航大厦,落 车之后稳旅馆稳左半个钟头,晚上宿系桂林花满楼青年旅馆,讲真果句,E间野地理位置唔错,系火车站对面果间如家后面果条行,但系我非常后悔点解唔住前面果 间如家,感觉装修豪华好多而且比较安全,先贵32蚊。仲有由于花满楼T错左搞到我同小肥人从标准双人间变成左大床,晚上要孖铺。放低行李,我地两个出去行 桂林市区,去左日月双塔、榕湖、杉湖、靖江王府、叠彩山、步行街。不过感觉ED景点好坑爹,其实ED景点噶距离好短,我地靠行就行到啦,系市区围住一座山 就收35蚊,真系无咩兴趣,搞到我地两个去到门口都唔入去啊。我食左两餐桂林米粉,感觉好一般,仲不如大学城噶炒米线。

01.jpg
榕湖杉湖夜景

DAY2:
第二日我同小肥人两个一早起床,过对面坐车去龙脊梯田,不过由于天气好大雾,所以无咩美景,不过我地爬山就爬左两个钟头,我地由一个住系山脚噶本地人同埋 一对情侣一齐上山,再一次感觉到自己体能太差啦。之前去清迈走独木桥就已经比班30岁左右噶人体力差,今次同两个大我地小小噶人一齐爬山,依然系最后果 个,我都鄙视我自己啦。 我地一路上山一路同果个本地人吹水,距介绍我地去阳朔噶时候去遇龙河漂流、游漓江。最后终于爬上左据闻果度起得最高噶旅馆——全景楼。1183M高,系果度观景台之一,叫西山韶乐。

02.jpg
龙脊梯田山脚下,一片油菜花

DAY3:
由于第三日要赶车,所以我地一食完早餐就落山啦,我地从二号观景台——千层天梯果度落山,我地好好彩,一路落山,D雾就开始散到边度,真系几靓,不过听本 地人讲,如果夏天来系最美噶时候。好遗憾,不过E个时候去无咩人都好噶,落山噶时候都几安静,只有我地两个,后来同一个四川女仔,一对好靓仔靓女噶外国人 一齐行,美中不足噶系落到山脚下见到一个好似想偷野噶贼仔。两个女仔行无咩安全感啊。落完山我地就搭车翻桂林火车站再转车去阳朔,晚上T左果个好坑爹噶印 象刘三姐,姐完全T唔明,中途仲遇到同我地一齐上山噶情侣,距地系微博订票,比我地平几十蚊一个人,下次大家出行可以考虑网上订票。

03.jpg
雾气刚刚散开

04.jpg
从全景楼拍下去

05.jpg
上下山的石板路

06.jpg
龙脊梯田

07.jpg
站得高才能看得远

DAY4:
早上同小肥人两个踩双人单车(由于我唔识踩单车,所以辛苦距啦)去金龙桥,途中荡失路,本来旅馆阿姨叫我地行大路,但系旅馆阿叔叫我地行小路,点知道我地 无方向感,唔识路,明明一个钟头噶路程,我地踩左两个钟头,去到个师傅带我地遇龙河上半段加逆漂。E日天气好好啊,我地无涂防晒,搞到我家阵块面晒伤,连 街都唔敢出啊。下午网上订票,去左银子岩。晚上逛左下阳朔西街,最后去左果间旅馆某对情侣话几好食噶,就系旅馆隔离果间谢三姐啤酒鱼到食饭,不过感觉不怎么样,而且拿猪肉当牛肉,仲衰过广州。不过遇龙河D水清过漓江,到处都可以见底噶,不过两边D山脚下都起左好多屋,破坏美感,估计早去早享受啊,唔系美景都比人破坏晒啦。

08.jpg
清澈见底

09.jpg
遇龙河鸟巢

10.jpg
一字排开戏水噶唔知道鹅定鸭

11.jpg
遇龙河都几有意境

12.jpg
银子岩胜在灯光效果 最出名噶佛祖论经

DAY5:
最后一日我地早上同一班我地旅馆噶人一齐出去十里画廊踩单车。包括:一对夫妇、一个83岁的老奶奶、两个女仔、一个男仔,浩浩荡荡出发,我地途径:图腾古 道、蝴蝶泉、大榕树、月亮山、金水岩、鉴山寺。踩几步就一个景点,所以叫十里画廊。我地都系去到门口影下相就算啦,据闻入去好坑爹呢。去到金水岩我地就同 距地分手啦,距地入去T岩洞同泡泥浆浴,我地赶车翻桂林搭飞机翻来啊,好可惜唔系噶话晚上可以观赏烟花同免费汤圆。

13.jpg
工农桥的美景

14.jpg
合照

15.jpg
老班长青年旅馆赞一个,真的不错,可以认识到很多人,环境也不错

发表评论

您的昵称 *

您的邮箱 * (绝对保密)

您的网站

icon_wink.gif icon_neutral.gif icon_mad.gif icon_twisted.gif icon_smile.gif icon_eek.gif icon_sad.gif icon_rolleyes.gif icon_razz.gif icon_redface.gif icon_surprised.gif icon_mrgreen.gif icon_lol.gif icon_idea.gif icon_biggrin.gif icon_evil.gif icon_cry.gif icon_cool.gif icon_arrow.gif icon_confused.gif icon_question.gif icon_exclaim.gif 

凯乐假期旗下旅游网站: 阳朔旅游网 南雄旅游网 灵川旅游网